點樣先練到左右對稱嘅身材？
基本上當你持續進行高質量嘅阻力訓練，左右肌肉應該會「相對平均」，即使啱啱開始操嘢嘅時候左右兩邊肌肉大細可能比較明顯，但隨著持續進行訓練肌肉都會逐漸變得相對對稱。
每個人舆生俱來都會一啲唔對稱嘅肌肉，特別係腹肌等位置，腹肌形狀深受遺傳的影響，所以多少都會有啲歪斜，更加不能夠改變先天因素。
當你使用槓鈴或機械軌道器材訓練時必然會用到左右兩邊肌肉，要做一個正確而高質量嘅動作無可能只靠某一側的手或腿來一承擔全部重量，所以只要其中一則手已經疲憊無力，即使另一則手仲有力，都無辦法做到一個標準嘅動作，呢個時候訓練應該就要停止或更換較輕嘅重量！
對於持續做重訓的人，身體左右兩側通常會比一般人相對對稱，要做到完美對稱基本上係無可能，所以淨係針對唔對稱嘅嗰一邊做訓練係無補於事，正確做法應該係兩側持續一齊做同樣嘅高質量的訓練，肌肉先會逐漸變得相對對稱！
圖/文 ：Hugo
#kofgym #strength #肌肉 #力量 #左右對稱 #腹肌 #高質量 #持續訓練 #基因 #gymhk #hkgym
Search